ខេត្តកែបប្រារព្ធពិធីបុណ្យឯករាជ្យជាតិលើកទី៦២

កែប: ថ្ងៃទី ៩ វិច្ឆិកា ឆ្នាំ២០១៥ ខេត្តកែបបានប្រារព្ធពិធីបុណ្យឯករាជ្យជាតិលើកទី៦២ដែលមានការចូលរួមពីសំណាក់
ឯកឧត្តម កែន សត្ថា
អភិបាលនៃគណអភិបាលខេត្តកែបព្រះសង្ឃ ឯកឧត្តម លោកជំទាវ អភិបាលស្រុក ខ័ណ្ឌ មេឃុំ ចៅសង្កាត់ មេភូមិ កងកម្លាំងប្រដាប់អាវុធ ប្រជាពលរដ្ធ សិស្សានុសិស្ស និស្សិត ។

ការប្រារព្ធពិធីបុណ្យឯករាជ្យនេះក្នុងគោលបំណងរំលឹកដល់ព្រះវិញ្ញាណខណ្ឌព្រះបាទសម្តេចព្រះបាទនរោត្តម សីហនុ ព្រះបរមរតនកោដ្ធ វីរយទ្ធជន និងវីរយុទ្ធនារី ដែលបានខិតខំតស៊ូទាមទារឯករាជ្យពីបារាំង ដែលបានចូលមកត្រួតត្រាប្រទេសកម្ពុជាតាំងពីឆ្នាំ១៨៦៣ ដល់ឆ្នាំ១៩៥៣។ព្រះបាទសម្តេចព្រះបាទនរោត្តម សីហនុ ព្រះបរមរតនកោដ្ធ គឺជាព្រះវីរក្សត្រមួយព្រះអង្គដែលបានពលីកម្មដើម្បីជាតិមាតុភូមិដោយមិនខ្លាចនឿយហត់ឡើយ។ព្រះអង្គបានធ្វើដំណើរទៅគ្រប់ប្រទេសដើម្បីទាមទារឯករាជ្យ ហើយទទួលបានជោគជ័យ។មកដល់ពេលនេះប្រទេសកម្ពុជាមានសុខសន្តិភាពពេញលេញបរិបូរណ៌ ក៏ដោយសារព្រះអង្គដែរ។